ചേറ്റുകുഴി: (ഇടുക്കി ) ക്രിസ്ത്യൻ ഐക്യവേദി ഉടുമ്പൻചോല താലൂക്ക് പ്രവർത്തക സമ്മേളനം ഒക്ടോബർ 6 ചൊവ്വാഴ്ച ഉച്ചകഴിഞ്ഞ് 2 മണിക്ക് ചേറ്റുകുഴി ഏൽബേഥേൽ ചർച്ച് ഓഫ് ഗോഡ് ഹാളിൽ നടക്കും. ക്രൈസ്തവ സമൂഹത്തിന്റെ വിവിധ വിഷയങ്ങൾ ചർച്ച ചെയ്യുന്നതിനും സഭകൾ തമ്മിലുള്ള ഐക്യവും സഹകരണവും കൂടുതൽ ശക്തിപ്പെടുത്തുന്നതിനുമായി സമ്മേളനം സംഘടിപ്പിച്ചിരിക്കുന്നത്.ക്രൈസ്തവ സമൂഹം നേരിടുന്ന വിവിധ പ്രശ്നങ്ങൾ, സഭകളുടെ പൊതുവായ ആവശ്യങ്ങൾ, സാമൂഹിക ഇടപെടലുകൾ, വിശ്വാസസമൂഹത്തിന്റെ അവകാശ സംരക്ഷണം തുടങ്ങിയ വിഷയങ്ങൾ സമ്മേളനത്തിൽ ചർച്ച ചെയ്യുമെന്ന് സംഘാടകർ അറിയിച്ചു. താലൂക്ക് തലത്തിലെ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും ഭാവി പ്രവർത്തനങ്ങൾക്ക് രൂപരേഖ തയ്യാറാക്കുന്നതിനും സമ്മേളനം സഹായകരമാകും.
ക്രിസ്ത്യൻ ഐക്യവേദി പ്രസിഡന്റ് പാസ്റ്റർ കുര്യാക്കോസ് എം. കുടക്കച്ചിറ, റവ. ജോണിച്ചൻ ഡി, പാസ്റ്റർ കെ. കെ. തങ്കച്ചൻ, പാസ്റ്റർ ജയ്സൺ ഇടുക്കി, പാസ്റ്റർ എ. എം. ലാലു, ബ്രദർ സജിമോൻ എ. സി. തുടങ്ങിയവർ സമ്മേളനത്തിൽ പങ്കെടുക്കും.ഉടുമ്പൻചോല താലൂക്കിലെ വിവിധ ക്രൈസ്തവ സഭകളുടെയും സംഘടനകളുടെയും പ്രതിനിധികൾ സമ്മേളനത്തിൽ പങ്കെടുക്കണമെന്ന് സംഘാടകർ അഭ്യർഥിച്ചു. ക്രൈസ്തവ വിഭാഗത്തിലെ എല്ലാ സഭാ പ്രതിനിധികളെയും പ്രവർത്തക സമ്മേളനത്തിലേക്ക് സ്വാഗതം ചെയ്യുന്നതായി ക്രിസ്ത്യൻ ഐക്യവേദി ഭാരവാഹികൾ അറിയിച്ചു.
