C.A.യിലും സൺഡേ സ്കൂളിലും ഒന്നാം സ്ഥാനം
നെടുങ്കണ്ടം: അസംബ്ലീസ് ഓഫ് ഗോഡ് നെടുങ്കണ്ടം സെക്ഷന്റെ C.A. (ക്രിസ്ത്യൻ അസോസിയേഷൻ) വിഭാഗത്തിന്റെയും സൺഡേ സ്കൂളിന്റെയും സംയുക്ത താലന്ത് പരിശോധന ഒക്ടോബർ 2-ന് കുളപ്പാറച്ചാൽ എ.ജി. ചർച്ചിൽ നടന്നു. സെക്ഷനിലെ വിവിധ സഭകളിൽ നിന്നുള്ള കുട്ടികളും യുവജനങ്ങളും വിവിധ മത്സര ഇനങ്ങളിൽ പങ്കെടുത്ത് തങ്ങളുടെ കഴിവുകൾ പ്രകടിപ്പിച്ചു.നെടുങ്കണ്ടം സെക്ഷൻ പ്രെസ്ബിറ്റർ റവ. പാസ്റ്റർ ഷൈൻ മാത്യുവിന്റെ അധ്യക്ഷതയിൽ നടന്ന പരിപാടി സെക്ഷൻ സെക്രട്ടറി റവ. പാസ്റ്റർ എം. ജെ. ടോമിച്ചൻ പ്രാർത്ഥനയോടെ ആരംഭിച്ചു. C.A. പ്രസിഡന്റ് പാസ്റ്റർ ബിനു ജോസിന്റെയും സൺഡേ സ്കൂൾ പ്രസിഡന്റ് പാസ്റ്റർ സിബിൻ പി.യുടെയും നേതൃത്വത്തിലാണ് താലന്ത് പരിശോധന സംഘടിപ്പിച്ചത്.ബൈബിൾ പരിജ്ഞാനം, പ്രസംഗം, പാട്ട്, സംഗീതം, പ്രസംഗാവതരണം, വിവിധ സർഗാത്മക കഴിവുകൾ തുടങ്ങിയ മേഖലകളിൽ കുട്ടികളും യുവജനങ്ങളും മത്സരങ്ങളിൽ പങ്കെടുത്തു.
വിശ്വാസപരമായ അറിവിനൊപ്പം കുട്ടികളുടെയും യുവജനങ്ങളുടെയും കലാപരവും ബൗദ്ധികവുമായ കഴിവുകൾ വളർത്തുന്നതിനുള്ള വേദിയായി താലന്ത് പരിശോധന മാറി.മത്സരത്തിൽ C.A. വിഭാഗത്തിൽ കുളപ്പാറച്ചാൽ എ.ജി. ചർച്ച് ഒന്നാം സ്ഥാനം കരസ്ഥമാക്കി. സൺഡേ സ്കൂൾ വിഭാഗത്തിലും കുളപ്പാറച്ചാൽ എ.ജി. ചർച്ച് ഒന്നാം സ്ഥാനം നേടിയതോടെ ഇരു വിഭാഗങ്ങളിലും വിജയം സ്വന്തമാക്കി കുളപ്പാറച്ചാൽ എ.ജി. ചർച്ച് ഇരട്ട വിജയത്തിന് അർഹമായി.C.A. വിഭാഗത്തിലും സൺഡേ സ്കൂൾ വിഭാഗത്തിലും എ.ജി. ചർച്ച് രാജാക്കാട് രണ്ടാം സ്ഥാനം നേടി. മികച്ച പ്രകടനം കാഴ്ചവെച്ച എല്ലാ മത്സരാർത്ഥികളെയും സഭാ നേതൃത്വം അഭിനന്ദിച്ചു.ഒന്നാം സ്ഥാനം നേടിയ കുളപ്പാറച്ചാൽ എ.ജി. ചർച്ചിന്റെ പാസ്റ്റർ റോയി റ്റി. സിക്കും സഭാംഗങ്ങൾക്കും, രണ്ടാം സ്ഥാനം നേടിയ എ.ജി. ചർച്ച് രാജാക്കാടിന്റെ റവ. പാസ്റ്റർ ഷൈൻ മാത്യുവിനും സഭാംഗങ്ങൾക്കും സംഘാടകരും സഭാ നേതൃത്വവും അഭിനന്ദനങ്ങൾ അറിയിച്ചു.കുട്ടികളുടെയും യുവജനങ്ങളുടെയും കഴിവുകൾ കണ്ടെത്തി പ്രോത്സാഹിപ്പിക്കുന്നതിനും അവരെ സഭയുടെ ആത്മീയ പ്രവർത്തനങ്ങളിൽ കൂടുതൽ സജീവമാക്കുന്നതിനും ഇത്തരം താലന്ത് പരിശോധനകൾ സഹായകരമാണെന്ന് ഭാരവാഹികൾ അറിയിച്ചു. വിവിധ സഭകളിൽ നിന്നുള്ള കുട്ടികളും യുവജനങ്ങളും ഒരുമിച്ച് പങ്കെടുക്കുന്നതിലൂടെ കൂട്ടായ്മയും പരസ്പര സൗഹൃദവും ശക്തിപ്പെടുത്താനും പരിപാടിക്ക് കഴിഞ്ഞു.
Report Pastor Bidhumon Joseph
